कोरबा, 13 जून 2020। जिला म डेढ़ साल के बच्ची सहित पति-पत्नी के लाश फांसी के फंदा म लटके मिले हे. घरेलू विवाद के बाद आत्महत्या करे के आशंका जताये जावत हे. घटना के सूचना मिले म पुलिस मौका म पहुंचिस अउ मामला के जांच करे जावत हे. घटना के बाद इलाका म मातम के माहौल हे. ये पूरा मामला दीपका थाना क्षेत्र के गांधीनगर के हे, जिहां अशोक कुमार अउ रागनी रात्रे के संग उंखर डेढ़ साल के बच्ची के लाश फंदा म लटके मिले हे. प्रथम दृष्टि ले आशंका जताये जावत हे कि पति ह पहली अपन पत्नी अउ बच्ची के हत्या करे हे, ओखर बाद वो खुद फांसी के फंदा म लटक गे. पुलिस मामला के जांच म जुटगे हे.
डेढ़ साल के बच्ची के संग फांसी के फंदा म लटकत मिलिस पति-पत्नी के लाश, जांच म जुटिस पुलिस
