रायपुर, 14 जून 2020। मुख्यमंत्री श्री भूपेश बघेल ले काली ऊंखर निवास कार्यालय म श्री संत कुमार केसकर के सियानी म आए गुरु घासीदास सेवा समिति, भिलाई के प्रतिनिधिमंडल ह सौजन्य मुलाकात करिस। प्रतिनिधिमंडल ह मुख्यमंत्री श्री भूपेश बघेल ल देश के सर्वाधिक लोकप्रिय मुख्यमंत्री मन के सर्वे म दूसर स्थान पाए अऊ कोरोना महामारी के रोकथाम अऊ मनरेगा के माध्यम ले श्रमिक मन ल रोजगार देहे के उल्लेखनीय काम मन बर समिति कोति ले स्मृति चिन्ह भेंट करके सम्मानित करिस। मुख्यमंत्री श्री बघेल ह गुरु घासीदास सेवा समिति ल धन्यवाद दीस। ये बेरा म श्री राजमहन्त जवाहर लाल कौसर, श्रीमती होमिन चतुर्वेदी अऊ गुरु घासीदास सेवा समिति के आन पदाधिकारी उपस्थित रहिन।
मुख्यमंत्री ल गुरु घासीदास सेवा समिति ह करिस सम्मानित
