पीएससी के तइयारी करत युवती परीक्षा म फेल होइस त लगा लिस फांसी

अंबिकापुर, 15 जून 2020। अंबिकापुर के गांधीनगर थाना अंतर्गत पीएससी के परीक्षा म चार बार फेल होवइया 23 साल के युवती ह सोमवार के बिहनिया अपन घर म फांसी लगाके आत्महत्या कर लिस. बताये जावत हे कि गांधीनगर थाना क्षेत्र अंतर्गत मुक्ति पारा निवासी राखी भगत पिछला 4 साल ले पीएससी के तइयारी करत रहिस. ये साल घलो वो पीएससी के प्रारंभिक परीक्षा दे रहिस, युवती के परिजन के अनुसार 2 दिन पहली आये रिजल्ट म वो कुछ नंबर मन ले पास होय ले चूक गे रहिस. जेखर सेती ले वो डिप्रेशन म रहिस. सोमवार के वो अपन घर म ही फांसी लगाके आत्महत्या कर लिस. घटना के सूचना मिले म पहुंचे पुलिस ह पंचनामा करके शव ल पोस्टमार्टम बर भेज दे हे.