सुरक्षित स्वास्थ्य केन्द्र पहुंच, दुलारी ह दीस दुलारा ल जनम
नारायणपुर, 18 जून 2020। एक पइत फेर नक्सल प्रभावित जिला नारायणपुर के अन्दरूनी गांव कोडोली के गर्भवती महिला श्रीमती दुलारी ल बाइक एम्बुलेंस ले सुरक्षित अस्पताल लाके संस्थागत प्रसव कराए गीस। ग्राम धनोरा के स्वास्थ्य केन्द्र म दुलारी ह एक प्यारा-दुलारा लइका ल जन्म दीस। साथी समाज सेवी संस्था के स्वास्थ्य कार्यकर्ता मन के मेहतन रंग लाइस। उमन श्री फूलराम अऊ उंखर पत्नी श्रीमती दुलारी के जीवन म नवा रंग भरिन। फेर एक पइत जीवनदायनी बनिस बाइक एम्बुलेंस। एखर से पहिली बाइक एम्बुलेंस ह अन्दरूनी गांव के कई गर्भवती महिला मन अऊ नवजात लइका मन ल सुरक्षित नजदीक स्वास्थ्य केन्द्र मन म पहुंचा के उंखर जान बचाए हे। ये ह घनघोर जंगल अऊ पहाड़ मन के बीच बसे गांव म गर्भवती महिला मन अऊ नवजात लइका मन बर निःशुल्क परिवहन सेवा के काम करत हे।
