तंबाकू निषेध बर मनोवैज्ञानिक हस्तक्षेप के जरूरत अउ महत्व म शोध प्रतिवेदन विमोचित

रायपुर, 24 जून 2020। छत्तीसगढ़ राज्य योजना आयोग अऊ एम्स रायपुर कोति ले प्रदेश म तंबाकू जनित मुंह के कैंसर के मरीज अउ ऊंखर परिवार के व्यवहार म तंबाकू निषेध उपर मनोवैज्ञानिक हस्तक्षेप के प्रभाव म शोध कराए गीस। ये अध्ययन एम्स के मनोविज्ञान विभाग के प्रोफेसर डॉ. लोकेश कुमार सिंह अउ उंखर टीम कोति ले दू चरण म साल 2019-20 म करे गीस। शोध पत्र के विमोचन राज्य योजना आयोग के सदस्य डॉ. के. सुब्रमणियम ह आज करिस। डॉ. सुब्रमणियम ह आशा व्यक्त करिन के ये अध्ययन तंबाकू निरोधक कार्यक्रम मन के दिशा तय करे बर महत्वपूर्ण होही। प्रदेश म बाढ़त तंबाकू के उपयोग ले मुंह के कैंसर के मरीज मन के संख्या निरंतर बाढ़त हे। एम रोक लगाय बर बहुत अकन शासकीय कार्यक्रम चलाए जात हे। रायपुर एम्स के ये अध्ययन मनोवैज्ञानिक हस्तक्षेप के आवश्कता अउ महत्व ल बताथे। विमोचन के मौका म राज्य योजना आयोग के संचुक्त संचालक डॉ. वात्सल्य मिश्रा, सहायक संचालक श्री मुक्तेश्वर सिंह अउ आन अधिकारी उपस्थित रहिन।