दुर्ग 26 जून 2020/ गौठान जे तरह से कार्य करत हे अउ आप लोगन के भागीदारी से जे तरह से अच्छा काम गौठान में होवत हे ओखर से निश्चित हे की जैविक खेती के दिशा में बड़े भूमिका गौठान हा निभाही। ये संदेश जिला पंचायत के सामान्य सभा के बैठक में गृह एवं पीडब्ल्यूडी मंत्री श्री ताम्रध्वज साहू हा कहिस ।वोहा कहिस कि भविष्य जैविक खेती के हे लेकिन एखर बर संसाधन कइसे आही । एखर बर तैयारी छत्तीसगढ़ हा करे हे । गोधन योजना के माध्यम से हमन गोबर भी क्रय करबो । ये प्रकार विक्रय के माध्यम बने से गोबर से जैविक खाद बनाये के दिशा में लोगन मन काम करही । मंत्री कहिस कि जैविक खेती बर बड़े पैमाना में कंपोस्ट खाद के जरूरत होही । ओखर बर हमर पशुधन के पूरा तरह दोहन होये से ये संभावना के दिशा में हमन बढ़ सकबो । इही वजह से छत्तीसगढ़ शासन हा ये महत्वपूर्ण योजना लाईस । जिला पंचायत सीईओ श्री सच्चिदानंद आलोक ये संबंध में जिला में चलत गतिविधि मन के विस्तृत जानकारी प्रदान करे हे । मंत्री हा कहिस कि गौठान समिति मन ला मजबूत करे बर हम लोगन मन ला दस हजार रुपए के राशि भी प्रदान करत हन । गौठान समिति मन के माध्यम से लोगन के अनुभव के पूरा इस्तेमाल हो सकही । रोकाछेका हमार परंपरा हे, येला बड़े उत्साह से ये बार मनाये गेहे एखर लक्ष्य स्पष्ट हे खरीफ फसल के रक्षा करना । काफी पहली से रोकाछेका कर दे से अगले फसल बर किसान मन ला मौका मिल जही ।
मंत्री बोलिस कि गौठान मन ला आगे बढ़ाये के दिशा में जनप्रतिनिधि मन के सक्रियता के बड़ी भूमिका हे । हमार पशुधन अउ हमर खेत हमर सबसे बड़े संपदा ये । एखर पूरा इस्तेमाल करना हे अउ एखर लिए एक बेहद कारगर योजना हमन लोगन मन बर लायेहन अउ एखर बड़े पैमाना में कार्यान्वयन भी करे गे हे । एखर संपूर्ण दोहन हो सके, एखर बर गौठान समिति मन के भी गठन करे गे हे । केवल पशुधन ही नहीं, गौठान ग्रामीण आजीविका केंद्र भी बन सके, ये दिशा में भी काम होवत हे । गांव में महिला मन अइसे उत्पाद बनाथे जो पहले केवल शहर से आत रहिस । गौठान मन के माध्यम से वैविध्य भी बड़े हे । अब मुर्गी पालन अउ मत्स्यपालन में भी गौठान मन में जोर हे । मंत्री मन सामान्य सभा के बैठक में सबो विभाग के गतिविधिमन के जानकारी लीस। वोहा कहिस कि कोविड संकट ला देखत फिजिकल डिस्टेंसिंग पर जोर दे जाना चाहिए । अउ कहिस कि स्वास्थ्य अधिकारी नियमित रूप से मानिटरिंग करें अउ स्वास्थ्य अधिकारि मन के संपर्क में भी रहें । वोहा खरीफ फसल ला देखते हुए खाद-बीज के उठाव के जानकारी भी लीस। मंत्री मन कहिस कि गुणवत्तायुक्त खाद-बीज के वितरण सुनिश्चित करें । स्कूल शिक्षा विभाग के अधिकारि मन से आनलाइन पढ़ाई के जानकारी घलो लीस । एखर साथ ही वोहा ग्रामीण क्षेत्र में चलत रहे सुपोषण अभियान के जानकारी लीस । बैठक में मौजूद जिला पंचायत अध्यक्ष श्री शालिनी रिवेंद्र यादव हा घलो विभिन्न विषय में चर्चा करिस । ये मौका में जिला पंचायत उपाध्यक्ष श्री अशोक साहू अउ अन्य जनप्रतिनिधि घलो उपस्थित रिहिस।
