रायपुर, 30 जून 2020। छत्तीसगढ़ के कई स्थान म मंगलवार बिहनिया ले तेज बारिश होवत हे. राजधानी रायपुर, दुर्ग, बस्तर अउ सरगुजा सहित कई जिला म बारिश होवत हे. ऊहचे आसमान म घलो करिया बादल छाय हुये हे. मौसम विभाग ह अवइया दू दिन भारी बारिश बर यलो अलर्ट जारी करे हे. मौसम वैज्ञानिक के अनुसार पूर्वी उत्तरप्रदेश के उपर चक्रीय चक्रवाती घेरा ह 0.9 किमी उंचाई म स्थित हे. एक द्राणिका ह बिहार ले तटीय ओड़िसा तक 2.1 किमी ले 3.1 किमी उंचई म स्थित हे. एखर प्रभाव ले छत्तीसगढ़ म कई जगह म मध्यम बारिश होय के संभावना हे. राज्य के एक-दू स्थान म गरज अऊ चमक के संग भारी बारिश अउ बिजली गिरे के घलो संभावना जताय गे हे. बस्तर अउ सरगुजा संभाग समेत एखर ले लगे जिला म बारिश के प्रबल संभावना जताये गे हे.
प्रदेश म भारी बारिश के चेतावनी, मौसम विभाग ह जारी करिस अलर्ट
