– लोन प्रकरण मन के समीक्षा के दौरान कलेक्टर डाॅ. सर्वेश्वर नरेंद्र भूरे हा कहिस कि
– सहकारी बैंक के संचालक मंडल के बैठक
दुर्ग 1 जुलाई 2020/ सहकारी बैंक के संचालक मंडल के जरूरी बैठक काली जिला सहकारी बैंक के मुख्यालय म होइस । इहा लोन प्रकरण के स्वीकृति के संबंध म विस्तृत चर्चा करे गे हे । बैठक म कलेक्टर हा कहिस कि पशुपालन बर अउ ग्रामीण विकास के दूसर काम बर किसान मन के द्वारा काम करे के इच्छा जताये जाथे । बैंक ये ओर उमन ला प्रेरित करे । अइसे मामला म बैंक के गाइडलाइन के मुताबिक बैंक ऋण आवेदन स्वीकार करे अउ उमन बर उचित निर्णय करे ये संबंध म आवश्यक कारवाही करे । बैठक म कलेक्टर कहिस कि पशुधन ला आगे लाये ले खेती किसानी बढ़ही । उमन कहिस कि किसान मन के आय ला बढ़ाना हे ता पशुधन के ओर उमन ला प्रोत्साहित करना होही । पशुपालन के साथ मछलीपालन बार घलव प्रोत्साहित करना जरूरी हे । उमन कहिस कि क्रेडिट उपलब्ध होये ले किसान ये चीज मन के ओर आगे बढ़थे । हमन किसान मन ला प्रोत्साहित करना हे अउ उखर राह आसान करना हे । जिला म हम किसान मन ला प्रगतिशील तरीका ला अपनाये के सलाह देथे । एखर बर बैंक के मदद घलव जरूरी होही । अइसे मामला म ऋण आसानी से मिले से किसान मन के राह आसान हो जाथे । बैठक म बैंक के सावधि जमा के ब्याज दर से संबंधित एवं बैंक के अउ दूसर मुद्दा म घलव चर्चा होइस ।
दुर्ग ले गुरतुर गोठ बर सोनू कुमार
