रायगढ़, 6 जुलाई 2020। उच्च शिक्षामंत्री श्री उमेश पटेल ह आज खरसिया विधानसभा क्षेत्र के ग्राम-चपले के हाईस्कूल परिसर म मुनगा के पौधा लगाके रायगढ़ जिला म मुनगा महाभियान के शुभारंभ करिन। ये बेरा म उच्चशिक्षा मंत्री श्री पटेल ह अपन संबोधन म कहिन के मुख्यमंत्री श्री भूपेश बघेल के हुकुम म आज प्रदेश भर म मुनगा के पौधा लगाके ये वृक्षारोपण अभियान के शुभारंभ करे जात हे। मुख्यमंत्री के दृढ़ इच्छा शक्ति हे के पूरा राज्य ले कुपोषण हटाना हे मुनगा के पौधा ये मा बहुत कारगर सिद्ध होही। उमन कहिन के मुनगा के पेड़ लगाय के पीछू उद्देश्य हे के ये मा बहुत जादा आयरन पाए जाथे, ये प्रोटीन ले भरपूर, लइका म कुपोषण दूर करे म अति प्रभावी, खून के कमी ल दूर करइया अऊ किडनी रोग के इलाज म घलोक प्रभावी हे।
उच्च शिक्षामंत्री श्री पटेल ह कहिन के मुनगा पौधा पूरा छत्तीसगढ़ के चिन्हारी ये। उमन कहिन के स्कूल, आंगनबाड़ी केन्द्र अऊ आश्रम मन म ए पौधा के रोपण करे जाही अऊ आम नागरिक घलोक अपन रिहायसी स्थल म मुनगा पेड़ जादा ले जादा संख्या म लगावयं अऊ वोकर संरक्षण करयं। ये दौरान उमन आये आन अतिथि मन अऊ अधिकारी मन ल एक-एक पौधा तको बांटिन।
