सावधानी ले प्रक्रिया संपन्न करे म एक ले डेढ़ घंटा म कोविड-19 के रिपोट मिल जाही
कोरिया, 06 जुलाई 2020। विधानसभा क्षेत्र बैकुंठपुर के विधायक श्रीमती अम्बिका सिंहदेव ह आज कलेक्टर श्री एस एन राठौर के उपस्थिति म नवा बने कोविड-19 लैब के उद्घाटन करिन। ये दौरान सीएमएचओ अउ संबंधित विभाग के अधिकारी अउ कर्मचारी उपस्थित रहिन। ये लैब जिला मुख्यालय बैकुंठपुर के कंचनपुर स्थित कोविड हॉस्पिटल परिसर म स्थापित करे गए हे।
कोविड-19 लैब म अब संदिग्ध मरीज मन के कोरोना वायरस संक्रमण के जांच करे जाही। राजधानी रायपुर स्थित एम्स अउ मेकाहारा ले जरूरी प्रशिक्षण प्राप्त करके कोविड-19 लैब म कार्यरत स्वास्थ्य टीम ह उदाहरण स्वरूप टेस्टिंग के प्रक्रिया ल समझात बताइन के सावधानी ले प्रक्रिया संपन्न करे म एक ले डेढ़ घंटा म कोविड-19 के रिपोट मिल जाही। ये दौरान विधायक श्रीमती सिंहदेव अउ कलेक्टर श्री राठौर ह कोविड टेस्टिंग के पूरा प्रक्रिया ल समझिन। कोविड-19 लैब के माध्यम ले पॉजिटिव मरीज मन के पहिचान करना अब आसान हो जाही।
