कवर्धा, 9 जुलाई 2020। छत्तीसगढ़ के कवर्धा ले ये बेरा एक बड़का खबर निकल के आगु आये हे. दिनदहाड़े दू अज्ञात बाइक सवार लूटेरा मन ह राइस मिल के कर्मचारी के आँखी म मिर्चा पाउडर डाल के 71 लाख के लूट के वारदात ल अंजाम दिस हे. घटना के बाद ले आरोपी फरार होगे हे, जेखर पुलिस तलाश करत हे. मिले जानकारी के अनुसार कवर्धा के राइस मिल संचालक दिलीप अग्रवाल के दू कर्मचारी स्कूटी म 71 लाख रुपिया लेके बिलासपुर के व्यापारी ल दे बर जावत रहिन. इही बेरा पांडातराई थाना क्षेत्र के जंगलपुर गांव के तिर दू अज्ञात आरोपी पीछा करत हुए पहुंचगे अउ कर्मचारी मन के आंखी म मिर्चा पाउडर डाल दिस. जेखर बाद उंखर तिर रखे बैग ल लूट के फरार होगे. घटना के बाद चारों डहर घेराबंदी करके सबो गाड़ी मन के चेकिंग करे जावत हे.
दिनदहाड़े आंखी म मिर्चा पाउडर डाल के 71 लाख के लूट, पुलिस ह इलाका म करिस घेराबंदी
