रायपुर, 10 जुलाई 2020। छत्तीसगढ़ माध्यमिक शिक्षा मंडल के परिणाम जारी होय के बाद 22,500 विद्यार्थी मन ह पुनर्मूल्यांकन अउ पुनर्गणना बर आवेदन जमा करे हे. एखर परिणाम डेढ़ ले दू महीना बाद आही. बोर्ड परीक्षा परिणाम जारी होय के बाद पुनर्मूल्यांकन अउ पुनर्गणना बर आवेदन जमा करे के गुरुवार के अंतिम तिथि रिहिस. ये बार दसवीं अउ बारहवीं के 22,500 विद्यार्थी मन ह पुनर्मूल्यांकन अउ पुनर्गणना बर आवेदन दिस हे, जबकि पिछला सत्र म 19,000 विद्यार्थी मन ह आवेदन दे रिहिस. आवेदन के संख्या के अनुसार, दसवी म 15,498 कॉपी अउ बारहवीं म 35,095 कॉपी के जांच करे जाही. मंडल ह पुनर्मूल्याकन बर 500 रुपिया, गणना बर 100 रुपिया अउ उत्तर पुस्तिका कॉपी बर 500 रुपिया शुल्क निर्धारित करे हे.
बोर्ड परीक्षा परिणाम ले असंतुष्ट 22 हजार विद्यार्थी मन ह दिस पुनर्मूल्यांकन-पुनर्गणना बर आवेदन
