‘‘एलिट इंडिया ट्रांसफार्मेशन समिट’’ म छत्तीसगढ़ ल ‘’एलिट्स एक्सीलेंस अवार्डस-2020’’
सुराजी गांव योजना अउ फ्लैगशिप योजना मन बर चिप्स ह तियार करिस मुख्यमंत्री दर्पण वेबसाइड अउ मोबाइल एप
रायपुर, 11 जुलाई 2020। छत्तीसगढ़ सरकार के महत्वाकांक्षी सुराजी गांव योजना अऊ आन फ्लैगशिप योजना मन के मॉनिटरिंग बर तियार करे गए – मुख्यमंत्री दपर्ण वेबसाईट अउ मोबाईल एप ल राष्ट्रीय स्तर म “एलिट्स एक्सीलेंस अवार्डस-2020 ले नवाजे गए हे। छत्तीसगढ़ राज्य ल ये सम्मान देश के प्रतिष्ठित आईटी संस्थान एलिट्स टेक्नोमीडिया, नई दिल्ली ह ‘डिजिटल इंडिया पहल’ के अंतर्गत प्रदान करे हे। देश म 10 ले 12 जुलाई तक तीन दिन के वर्चुअल कांफ्रेंस के आयोजन करे जात हे। ये वर्चुअल कांफ्रेंस के शुभारंभ केन्द्रीय मंत्री श्री नितिन गडकरी ह 10 जुलाई के नई दिल्ली म करत छत्तीसगढ़ ल ई सर्टिफिकेट प्रदान करिन।
