बैलगाड़ी म बइठ के गौठान पहुंचिन मुख्यमंत्री, पाटन ले करिन गोधन न्याय योजना के शुरुआत

दुर्ग, 20 जुलाई 2020। हरेली म पाटन ले किसान अउ पशुपालक मन बर बड़का योजना के शुरुआत होइस। गोधन न्याय योजना के शुभारंभ के अवसर म मुख्यमंत्री श्री भूपेश बघेल ह गोबर खरीद के योजना के शुरुआत करिन। एखर शुरुआत घलो उमन परंपरागत तरीका ले करिन। बैलगाड़ी ले आइस, नागर अउ गाय के पूजा करिन। मुख्यमंत्री ह ये बेरा म कहिन कि गोधन न्याय योजना के माध्यम ले न केवल किसान अउ पशुपालक मन के आय बढ़ही अपितु जैविक खेती बर रास्ता घलो खुलही। मुख्यमंत्री ह कहिन कि पहली पशुधन रिहिस फेर बोझ होगे जबकि सही तरिका ले इस्तेमाल ले पशुधन के संवर्धन घलो होही अउ तरक्की के राह घलो खुलही। मुख्यमंत्री ह कहिन कि गोबर के खरीदी होय ले लोगन मन पशुधन ल घर म ही रखही। एखर ले फसल घलो सुरक्षित होही। गोबर के सेती ले पशु मन ल पर्याप्त चारा घलो उपलब्ध कराबोन। ये मउका म मुख्य सचिव श्री आरपी मंडल, पीसीसीएफ श्री राकेश चतुर्वेदी, अपर मुख्य सचिव श्री सुब्रत साहू , कृषि उत्पादन आयुक्त श्रीमती एम गीता, मुख्यमंत्री के सचिव श्री सिद्धार्थ कोमल परदेशी, संभागायुक्त श्री जी आर चुरेन्द्र, आईजी श्री विवेकानंद सिन्हा, संचालक कृषि श्री नीलेश क्षीरसागर, कलेक्टर डॉ. सर्वेश्वर नरेंद्र भुरे, एसपी श्री प्रशांत ठाकुर, जिला पंचायत सीईओ श्री सच्चिदानंद आलोक सहित अन्य अधिकारी मौजूद रिहिस। ये मउका म विधायक भिलाई श्री देवेंद्र यादव, खनिज विकास निगम के चेयरमैन श्री गिरीश देवांगन, पूर्व विधायक श्री प्रदीप चैबे, नगर पंचायत अध्यक्ष भूपेन्द्र कश्यप, जिला पंचायत उपाध्यक्ष श्री अशोक साहू अउ जनप्रतिनिधिगण मौजूद रिहिस।