दुर्ग, 20 जुलाई 2020। मुख्यमंत्री श्री भूपेश बघेल ह आज पाटन म नवीन आदर्श थाना भवन के लोकार्पण करिन। ये बेरा म उमन रोजनामचा पंजी म थाना भवन शुभारंभ होए के उल्लेख करत अपन अभिमत संग हस्ताक्षर करिन। मुख्यमंत्री श्री बघेल ह ये बेरा म थाना परिसर म पौधरोपण घलोक करिन। उमन थाना म पदस्थ स्टॉफ के संग परिचर्चा करके ईमानदारी पूर्वक कर्तव्य निर्वहन करे ल कहिन। संगेच समानता पूर्वक बिना पक्षपात के पीड़ित मनखे ल न्याय देवाए म अपन योगदान देहे ल कहिन। उमन कहिन के जेन मनखे अपन कोनो समस्या ल लेके थाना आथे ओला जल्दी न्याय मिले ये दिशा म काम करके समाज ल एक संदेश देहे जाय। आम जनता के मन म पुलिस के प्रति विश्वास जागए ये बात ल हमेशा स्मरण करत काम करव।
दुर्ग जिला के पाटन म नवीन आदर्श थाना भवन के मुख्यमंत्री ह करिस लोकार्पण
