पीपीपी माडल म कोल्ड स्टोरेज नेटवर्क विकसित करे के हुकुम
रायपुर, 23 जुलाई 2020। मुख्यमंत्री ह आज कहिन के लघु वनोपज के मार्केटिंग व्यवस्था म विशेष रूप ले ध्यान देहे जाय। वनोपज के बड़का मात्रा म उपयोग करइया कम्पनी मन ले अनुबंध करके उंखर जरूरत अउ गुणवत्ता के वनोपज अऊ वनोषधि मन ल प्रसंस्करण करे के बाद कम्पनी मन ल उपलब्ध कराए जाय, जऊन ल कम्पनी मन अपन उत्पाद म उपयोग कर सकयं। एखर से संग्रहण कर्ता मन ल वनोपज के समर्थन मूल्य ले अकतहा प्रसंस्करण ले होवइया लाभ के अंश घलोक मिलही। कम्पनी मन के नेटवर्क के माध्यम ले छत्तीसगढ़ म पैदा होवइया वनोपज मन बर बड़का मार्केट मिल सकही।
मुख्यमंत्री ह ये घलोक कहिन के आयुर्वेदिक कम्पनी मन ल छत्तीसगढ़ म ही प्रोसेसिंग प्लांट स्थापित करे बर प्रोत्साहित करे जाए। मुख्यमंत्री ह कृषि, उद्यानिकी अऊ वन उपर उत्पादित फसल मन ल सुरक्षित रखे बर पूरा प्रदेश म कोल्ड स्टोरेज नेटवर्क स्थापित करे म घलोक जोर दीन। उमन कहिन के कृषि अऊ उद्यानिकी विभाग पी.पी.पी. माडल म कोल्ड स्टोरेज मन के संचालन करावय। बैठक म कृषि अउ जल संसाधन मंत्री श्री रविंद्र चौबे, वनमंत्री श्री मोहम्मद अकबर, नगरीय प्रशासन मंत्री डॉ. शिव कुमार डहरिया, स्कूल शिक्षा मंत्री डॉ. प्रेमसाय सिंह टेकाम, वीडियो कांफ्रेंसिंग के संग अम्बिकापुर ले स्वास्थ्य मंत्री श्री टी. एस. सिंहदेव सामिल होइन।
बैठक म संसदीय सचिव श्री शिशुपाल सोरी अऊ श्री चंद्रदेव प्रसाद राय, मुख्यमंत्री के सलाहकार सर्वश्री राजेश तिवारी, विनोद वर्मा, श्री प्रदीप शर्मा अऊ श्री रुचिर गर्ग, मुख्य सचिव श्री आर. पी. मंडल, वन विभाग के प्रमुख सचिव श्री मनोज पिंगुआ, पंचायत अउ ग्रामीण विकास के प्रमुख सचिव श्री गौरव द्विवेदी, कृषि उत्पादन आयुक्त डॉ. एम. गीता, नगरीय प्रशासन विभाग के सचिव श्रीमती अलरमेल मंगई डी, आदिम जाति कल्याण विभाग के सचिव श्री डी. डी. सिंह, मुख्यमंत्री के सचिव श्री सिद्धार्थ कोमल परदेशी, प्रधान मुख्य वन संरक्षक श्री राकेश चतुर्वेदी उपस्थित रहिन।
