- सोनपापड़ी गोदाम ल सील करे गीस, गुप्ता लड्डू हाउस के संचालक ऊपर 25 हजार के जुर्माना
- बिहनिया ले निगम आयुक्त श्री रघुवंशी सहित अधिकारी मन ह शहर के जायजा लीन
भिलाई नगर, 23 जुलाई 2020। निगम आयुक्त श्री ऋतुराज रघुवंशी, उपायुक्त, जोन कमिश्नर, कार्यपालन अभियंता संग अउ आन अधिकारी मन शहर घूम के लॉकडाउन के स्थिति के जायजा लीन। मनखे मन ले लॉकडाउन के हुकुम के कड़ाई से पालन करे के आग्रह करिन। एक दिन पहली ले ही निगम भिलाई कोति ले लॉकडाउन ल लेके व्यापक रूप ले तइयारी कर गए रहिस। आज बिहनिया ले ही लॉकडाउन ल लेके निरीक्षण करे गीस, नियम के उल्लंघन के मामला म वार्ड-13 स्थित सोनपापड़ी स्वीट्स के गोदाम ल सील कर देहे गीस। उहें बैंकुठधाम के गुप्ता लड्डू हाउस के संचालक के खिलाफ 25 हजार रूपिया के जुर्माना के कारवाही करे गीस। अइसनहे पांच जोन के टीम ह लॉक डाउन के उल्लंघन के मामला म 146 मनखे मन के खिलाफ कारवाही करे गीस। उमन ले तकरीबन 1 लाख 18 हजार 620 रूपया के जुर्माना लगाए गीस अउ कई आन जगा मन के निरीक्षण तको करे गीस।
जोन-2 म 78 मनखे मन के खिलाफ कारवाही करे गीस
जोन-2 के आयुक्त पूजा पिल्ले के टीम ह 22 अउ 23 जुलाई के 78 मनखे मन के खिलाफ कारवाही करिस। बिरसपत के बिहनिया टीम ह निरीक्षण करत वार्ड-13 रहवासी क्षेत्र पहुचिस। अइसनहे छोटू होटल संचालक के खिलाफ 3 हजार, वार्ड-10 शांति नगर स्थित पालीवाल होटल संचालक के खिलाफ 2 हजार जुर्माना लगाए गए हे, होटल म भीड़ के संगेंच सोशल डिस्टेसिंग के पालन नई होत रहिस। ए खातिर होटल संचालक मन के खिलाफ जुर्माना के कारवाही करे गीस।
मजदूर बनात रहिस मिठाई, जोन क्रमांक 3 म होइस कार्यवाही
जोन-3 के आयुक्त प्रीति सिंह के टीम वार्ड-21 बैकुंठधाम सुंदर नगर गुप्ता लड्डू हाउस म दबिश दीस। जिहां 15-20 मजदूर काम कर करत रहिस। लॉक डाउन के उल्लंघन के मामला म संचालक के खिलाफ 25 हजार रूपिया के अर्थदंड के कारवाही होइस। 22 जुलाई के संझा वार्ड-20 स्थित राइस मिल अउ कपड़ा के दुकान संचालक के खिलाफ कारवाही करे गीस। टाउनशिप अउ खुर्सीपार क्षेत्र म घलव कारवाही होइस जोन-5 के आयुक्त महेन्द्र पाठक के टीम ह 21 मनखे मन ले 3950 रूपिया जुर्माना वसूल करे गीस।
