जशपुर म करेंट के चपेट म आये ले दंतैल हाथी के मउत, आरोपी के खिलाफ मामला दर्ज

जशपुर, 24 जुलाई 2020। जशपुर जिला म करेंट लगे ले दंतैल हाथी के मउत के मामला आगु आये हे। आरोपी ग्रामीण ह स्वीकर करे हे कि वो हाथी ले फसल ल बचाये बर अइसे करे रिहिस। बाड़ी म लगे करेंट प्रवाहित तार के सम्पर्क म आये ले हाथी के मउत होगे। घटना तपकरा थाना क्षेत्र के झिलिबेरना गाँव के हे। मिले जानकारी के अनुसार गांव के निवासी रंजीत किस्पोट्टा ह अपन घर के बाड़ी म करंट प्रवाहित तार बिछा रखे रिहिस। देर रात, ये क्षेत्र म दल ले अलग होके भटके एक हाथी एखर सम्पर्क म आगे। करेंट लगे ले ओखर मउका म ही मउत होगे। घटना के सूचना मिले म मउका म तपकरा के रेंजर अभिनव केसरवानी समेत वन विभाग के टीम मउका म पहुँचिस पूछताछ के दौरान आरोपित रंजीत केरकेट्टा ह स्वीकार करिन कि करेंट प्रवाहित तार उही ह बाड़ी म लगाये रिहिस। 2013 ले रंजीत हाथी ले बचे बर अइसे करत आवत हे। मामला म आरोपी के खिलाफ वन्य प्राणी सुरक्षा अधिनियम के तहत कार्रवाई करे जावत हे।