प्रदेश म अब होटल मन म घलो होही कोरोना संक्रमित मन के इलाज, ये जिला मन म तैयारी शुरू…

रायपुर, 25 जुलाई 2020। प्रदेश के लोगन मन अब होटल मन म घलो कोरोना के इलाज करा सकही। कोरोना के बढ़त आंकड़ा के बीच स्वास्थ्य विभाग ह मरीज मन के इलाज बर अब नवा व्यवस्था करे हे। स्वास्थ्य विभाग के अनुसार प्रदेश के रायपुर समेत दुर्ग, बिलासपुर, कोरबा, रायगढ़ अउ सरगुजा जिला ल एखर बर तैयारी शुरू करे ल कहे हे। मरीज मन के बढ़त संख्या के बाद अगर निजी अस्पताल म जगह नई होइस, त उंखर इलाज होटल मन म भर्ती करके करे जा सकही। ये दौरान इलाज के सबो खर्चा मरीज मन ल ही उठाना पड़ही। स्वास्थ्य विभाग ह ये घलो कहे हे कि ये दौरान होटल मन ल आईसीएमआर के गाइडलाइन के पूरा तरह ले पालन करना जरुरी होही। आप मन ल बता देथन कि ये व्यवस्था केवल बिना लक्षण वाला मरीज मन बर लागू होही।