धमतरी म हाथी के दू टुकड़ा करके दफना दिस शव, पांच साल बाद पुलिस ल मिलिस सफलता

धमतरी, 27 जुलाई 2020। जिला के दुगली पुलिस ह हाथी दांत के संग 3 आरोपी ल गिरफ्तार करे हे। आरोपी मन ह पांच साल पहली सनसनीखेज वारदात ल अंजाम दे रिहिस। दुगली के सिरकटा गांव के रहने वाला आरोपी पिता-पुत्र ह करीब 5 साल पहली एक हाथी ल पहली करंट लगाके मार दे रिहिस। एखर बाद हाथी के हत्या ल छुपाये बर हाथी के टुकड़ा करके जमीन म दफना दे रिहिस। ये मामला म पुलिस ह 3 आरोपी ल गिरफ्तार करे हे। बता देथन कि एक हाथी जंगल ले रास्ता भटक के गांव सिरकटा पहुंच गे रिहिस। मउका के फायदा उठाके पिता-पुत्र अउ उंखर संगवारी हाथी ल करंट लगाके मउत के घाट उतार दे रिहिस। एखर बाद आरोपी मन ह हाथी के दू टुकड़ा करके दुनो टुकड़ा ल जमीन म दफन कर दे रिहिस। दुगली पुलिस ह आरोपी मन ल गिरफ्तार कर ले हे। पुलिस ह आरोपी मन ले दू हाथी दांत घलो बरामद करे हे।