प्रदेश म अब कोरोना जांच म आही अउ तेजी, अंबिकापुर मेडिकल कॉलेज म आज ले आरटीपीसीआर जांच शुरु

Dilip Kumar

अंबिकापुर, 04 अगस्त 2020। अंबिकापुर के मेडिकल कॉलेज म आज ले कोविड-19 के आरटीपीसीआर जांच शुरू होगे हे। बता देथन कि आईसीएमआर ह हाल ही म प्रदेश के तीन मेडिकल कॉलेज बिलासपुर, अंबिकापुर अउ राजनांदगांव के नवनिर्मित उच्च स्तरीय बीएसएल-2 लैब म आरटीपीसीआर जांच के अनुमति दे रिहिस। एमा ले अब दू मेडिकल कॉलेज मन म जांच शुरू करे जा चुके हे। राजनांदगांव मेडिकल कॉलेज म घलो जांच जल्द शुरू हो जाही।

राज्य शासन कोरोना वायरस के नियंत्रण बर जादा ले जादा सैंपल मन के जांच उपर जोर देवत हे। एखर बर तकनीकी अउ मानव संसाधन लगातार बढ़ाये जावत हे। बिलासपुर, अंबिकापुर अउ राजनांदगांव मेडिकल कॉलेज मन म घलो जांच के सुविधा हो जाये ले सैंपल जांच के संख्या म तेजी ले वृद्धि होही। अंबिकापुर अउ बिलासपुर मेडिकल कॉलेज म अभी रोजाना 100-100 सैंपल मन के संग जांच के शुरुआत करे गे हे। आगु इंखर क्षमता बढ़ाये जाही।

राज्य के चार आने संस्थान मन म रायपुर एम्स, डा. भीमराव अंबेडकर चिकित्सालय तथा जगदलपुर अउ रायगढ़ मेडिकल कॉलेज म पिछला कुछ महीना ले आरटीपीसीआर जांच करे जावत हे। प्रदेश म जादा ले जादा सैंपल मन के जांच बर ट्रू-नाट मशीन मन के अउ रैपिड एंटीजन किट ले घलो कोरोना वायरस संक्रमित मन के पहिचान करे जावत हे।

लउछरहा..