जगदलपुर 09 अगस्त 2020। राज्य सरकार कोति ले नक्सल हिंसा ले पीड़ित परिवार ल पुनर्वास नीति के तहत् मुआवजा राशि अऊ रोजगार के अवसर मुहैया कराए जाथे। एही उदीम म जिला प्रशासन बस्तर कोति ले जिला म नक्सल हिंसा ले पीड़ित परिवार के सदस्य मन ल रोजगार के अवसर प्रदान करे गिस हे। उन मन ल आमचो बस्तर कैंटिन के नाम ले चलित कैंटिन संचालन करे के दायित्व दे गीस हे। जिला प्रशासन के मार्गदर्शन म नगर निगम कोति ले स्वास्थ्य विभाग के जुन्ना बिगड़े एंबुलेंस ल सुधार करके मोबाइल कैंटिन के रूप दिए गइस। ये मोबाइल कैंटिन के संचालन के दायित्व नक्सल प्रभावित परिवार के सदस्य मन ल समूह के रूप म दे गीस हे। ये आमचो बस्तर कैंटिन ल शहर के मध्य स्थित चौपाटी म स्थानीय व्यंजन मन के विक्रय करे बर जगह दिए गीस।
नक्सल हिंसा ले पीड़ित परिवार मन ह गांव छोड़ के शहर कोति पलायन करइ उनमे जीए के ललक अऊ रोजगार के इच्छा ल देखत हुए जिला प्रशासन डाहर ले कैंटिन संचालन बर ये समूह ल आवष्यक प्रषिक्षण दे गीस हे। ये मां करीबन 10 सदस्य मन के समूह हे।
कैंटिन संचालन करइया समूह म छिंदगुर के माधवए कापानार के सोमारी कवासीए कोलेंग के शांति सेठियाए मरदापाल के सुषीला मानीकपुरी ह बताइस कि ओ मन पहिली माओवाद ले पीड़ित हो के जान बचाय बर शहर आ गे रहिनए जीवन यापन के चिंता सताए जात रहिस। प्रशासन अउ पुलिस विभाग के समक्ष रोजगार बर उमन आवेदन दे रहिन। कैंटिन संचालन ले अब ओ मन ल लागत हावय कि उंखर जिंदगी उन्नति डहर आगू बढ़ही।
नगर पालिक निगम कोति ले जिला प्रशासन के मार्गदर्शन म स्वास्थ्य विभाग के बिगड़े परे करीब 10 ठन एबुंलेस गाड़ी मन ल अलग-अलग जगा अलग-अलग व्यवसाय बर तैयार करे जावत हावय।
