लघु वनोपज के बेहतर प्रबंधन ले वनवासी मन के आय म होही वृद्धि: मुख्यमंत्री श्री भूपेश बघेल

गढ़िया पहाड़ संग्रहालय के रखिन आधारशिला
कोदो-कुटकी, रागी, हर्रा अउर लाख प्रसंस्करण केन्द्र अऊ मशरूम उत्पादन केन्द्र के होइस भूमिपूजन
विश्व आदिवासी दिवस म कांकेर जिला ल मिलीस बहुत अकन सौगात

रायपुर, 09 अगस्त 2020। मुख्यमंत्री श्री भूपेश बघेल ह आज विश्व आदिवासी दिवस के मौका म राज्य के आदिवासी भाई बहिनी मन ल बधाई अऊ शुभकामना देवत कहिन के वनवासी मन के जीवन म बदलाव लाय बर प्रदेश सरकार कोति ले सरलग उदीम करे जात हे। वनवासी मन के आर्थिक स्थिति बेहतर होवय, एखर बर तेंदूपत्ता के मूल्य 2500 ले बढ़ाके 4000 प्रति मानक बोरा करे के संग लघु वनोपज मन के खरीदी ल घलोक विस्तारित करे गए हे। राज्य म 7 ले बढ़ाके अब 31 प्रकार के लघु वनोपज के खरीदी समर्थन मूल्य म करे के संग इंकर मूल्य मन म घलोक बढ़ोत्तरी करे गए हे, ताकि एकर लाभ सीधा संग्राहक मन ल मिलय। उमन कहिन के लघु वनोपज के संग्रहण अउ प्रसंस्करण के प्रबंध करके वनवासी मन के आय म कई गुना बढ़ोत्तरी करे जा सकत हे। प्रदेश सरकार ये दिशा म काम करना शुरू कर देहे हे।