मुख्यमंत्री ह मिनीमाता के पुण्यतिथि म ओ मन ल करिन नमन

रायपुर 10 अगस्त 2020। मुख्यमंत्री श्री भूपेश बघेल ह छत्तीसगढ़ के पहिली महिला सांसद मिनीमाता के पुण्यतिथि 11 अगस्त म ओ मन ल नमन करे हें। मुख्यमंत्री ह कहिन के सरल अऊ सहज व्यक्तित्व के धनी मिनीमाता ह अपन पूरा जीवन मानव सेवा बर समर्पित कर दीन। असम म जन्मे मिनीमाता बिहाव के बाद छत्तीसगढ़ के जन-जीवन म रच-बस गीन। दीन-दुखी मन के सेवा बर ओ मन आजीवन समर्पण के संग लगे रहिन। दलित मन के नागरिक अधिकार मन के रक्षा बर अस्पृश्यता निवारण अधिनियम ल संसद म पारित कराए म उमन महती भूमिका निभाईन। उमन मजदूर मन ल एकजुट करे बर छत्तीसगढ़ मजदूर संघ के गठन करिन। श्री बघेल ह कहिन के मिनीमाता ल दलित अऊ महिला मन के उत्थान बर करे काम मन बर सदा याद करे जाही।