बड़का खबर : पिता ह अपन तीन लइका मन के संग नदी म लगाईस छलांग, चारों के होइस दर्दनाक मौत

रायगढ़, 16 अगस्त 2020। रायगढ़ के खरसिया ब्लॉक ले एक दर्दनाक घटना आगु आवत हे। एक पिता ह अपन तीन लइका मन के संग म खुदकुशी कर ले हे। ये घटना खरसिया थाना क्षेत्र के हे। ये मामला के सूचना मिलत ही पुलिस मउका म पहुंच गिस। पुलिस ह बताइस कि ग्राम पंचायत ऐडू माण्ड नदी के पुल म एक मनखे ह आज बिहनिया 5 बजे अपन 3 लइका ल लेके नदी म कूदगे। एक बच्चा 8 साल, दूसरा 4 साल अउ तीसरा 8 माह के बताए जावत हे। जोन मनखे पानी म कूदिस ओखर दिमागी हालत ठीक नई रिहिस। वो ग्राम बर्रा ले एडू कार्यक्रम म सामिल होय बर आय रिहिस हे। आज बिहनिया ओखर पत्नी के संग म झगड़ा होय रिहिस। घटना के बेरा म पत्नी पीछू-पीछू आवत रिहिस हे। ये हादसा के जानकारी मिले के बाद पुलिस मउका म पहुँचीस।