राजनांदगांव, 19 अगस्त 2020। शासन के गोधन न्याय योजना ले पशुपालक मन ल अब सीधा लाभ मिले लगे हे अऊ ये उंखर अकतहा आमदनी के जरिया बन गए हे। ग्रामीण अर्थव्यवस्था ल सशक्त बनाए के दिशा म गोधन न्याय योजना एक महत्वपूर्ण कड़ी साबित होए हे। एखर से जिहां एक कोति पशुपालक मन ल गोबर विक्रय ले आमदनी होए लगे हे। उहें दुसर कोति इही गोबर ले स्वसहायता समूह वर्मी कम्पोस्ट तियार करके आर्थिक लाभ अर्जित करे लगे हें। एखर से स्व-सहायता समूह के महिला मन ल स्थानीय स्तर म स्वरोजगार मिले हे। किसान मन ल जैविक खेती बर अच्छा गुणवत्ता के वर्मी कम्पोस्ट घलोक सहजता ले उपलब्ध होए लगे हे। गोधन न्याय योजना ले राज्य म जैविक खेती ल प्रोत्साहन मिले हे।
छत्तीसगढ़ के राजनांदगांव जिला के ग्राम चारभाठा के पशुपालक श्री प्रमोद यदु ह 5 हजार 758 किलो गोबर विक्रय करे हे, जेखर से ओ ल 11 हजार 516 रूपिया के राशि प्राप्त होइस त वो ह मुख्यमंत्री श्री भूपेश बघेल ल धन्यवाद ज्ञापित करिस। अइसनहे गांव के पशुपालक श्री अरूण कुमार यदु ह बताइस के गोधन न्याय योजना ले ओ ल अकतहा आमदनी होवत हे। वो ह बताइस के 3 हजार 908 किलो गोबर विक्रय करे हे अऊ 7 हजार 816 रूपिया के राशि वोखर खाता म आ गए हे। अब ओ ल दूध के अलावा गोबर बचे ले घलोक लाभ होवत हे। वो ह कहिस के शासन के गोधन न्याय योजना पशुपालक मन बर हितकारी हे। छुरिया विकासखंड के ग्राम महराजपुर के पशुपालक श्री सतनाम सिंह ह बताइस के गोधन न्याय योजना म गोबर बेचे ले तुरंत राशि मिल जाथे। जेखर से ये राशि के उपयोग पशु मन बर अच्छा चारा अऊ घरेलू काम म करबोन। वो ह बताइस के 2 हजार 820 किलो गोबर बेच हे, जेखर से 5 हजार 640 रूपिया के राशि मिले हे। वो ह कहिस के गोधन न्याय योजना ले आर्थिक स्थिति म मदद मिले हे। वो ह प्रदेश के मुखिया के प्रति आभार व्यक्त करिस।
गोधन न्याय योजना ले डोंगरगांव विकासखंड के झीका निवासी श्री दिनेश यादव ह 3 हजार 92 किलो गोबर विक्रय करके 6 हजार 184 रूपिया प्राप्त करके गोधन योजना ले लाभान्वित होए हे। अइसनहे खैरागढ़ विकासखंड के कोटरीछापर निवासी श्री नेहरू ह 2 हजार 700 किलो गोबर विक्रय करके 5 हजार 400 रूपिया, डोंगरगढ़ विकासखंड के मुरमुंदा निवासी श्री किसुन यादव ह 2 हजार 524 किलो गोबर बेचके 5 हजार 48 रूपिया अऊ ग्राम खुर्सीपार निवासी श्रीमती सुमरिनबाई ह 1 हजार 804 किलो गोबर विक्रय करके 3 हजार 608 रूपिया, छुईखदान विकासखंड के हनईबन निवासी श्री श्रीमती शकुन ह 2 हजार 182 किलो गोबर विक्रय करके 4 हजार 364 रूपिया अऊ ग्राम पथर्रा निवासी श्री सुजनदास ह 1 हजार 740 किलो गोबर विक्रय करके 3 हजार 480 रूपिया, छुरिया विकासखंड के पांगरीखुर्द निवासी श्री माखनलाल ह एक हजार 48 किलो गोबर बेचके 2 हजार 96 रूपिया, मोहला विकासखंड के मोहला निवासी श्री भूषण प्रसाद ह 891 किलो गोबर बेचके एक हजार 782 रूपिया अऊ ग्राम पलान्दुर निवासी श्रीमती यशोदाबाई ह 339 किलो गोबर विक्रय करके 678 रूपिया प्राप्त करके गोधन न्याय योजना ले लाभान्वित होए हे।
