रायपुर,25 अगस्त 2020। कोरोना संक्रमण के बीच म आज ले विधानसभा के मानसून सत्र शुरू होही। ये बार कोरोना के चलत विधानसभा परिसर म कई बदलाव करे गे हे। परिसर म विधायक अकेला अउ मंत्री अपन एक सहायक के संग प्रवेश कर पाही। सदन म प्रवेश ले पहली ओला कई तरह के जांच ले गुजरना पड़ही। एखर बाद सदन के अंदर दाखिल हो पाही। उहें विधायक मन के इम्यूनिटी बढ़ाये बर चाय के बदला म काढ़ा पिलाया जाही। सदन के भीतर म फिजिकल डिस्टेंसिंग मेंटेन करे बर विशेष व्यवस्था करे गेहे। हर सोफा के बीच म कांच के पार्टीशन दे गे हे. एखर संग अतिरिक्त 11 कुरसी लगाये हे. सबो सदस्य मन ल स्वास्थ्य जांच बर हेल्थ किट घलो दिये जाही। रोज सदन सैनिटाइज करे जाही। सदस्य मन के टेंपरेचर अउ ऑक्सीजन लेवल ल घलो चेक करे जाही।
विपक्ष आज ले काम रोको प्रस्ताव लाही. काम रोको प्रस्ताव लाके विपक्ष हंगामा के तैयारी म हे। उहें सत्र के पहली दिन दिवंगत नेता मन ल श्रद्धांजलि दे जाही। एखर बाद सदन के कार्रवाई स्थगित कर दे जाही. सत्र के दौरान 11 विधेयक के साथ अनुपूरक बजट घलो प्रस्तुत करे जाही। मानसून सत्र म 579 प्रश्न लगाए गे हे. अनुपूरक बजट काली पेश होही.
