पशुपालक, गरीब अऊ जरूरतमंद मन के हाथ म पइसा पहुंचाए के राजीव गांधी के सपना होवत हे पूरा: मुख्यमंत्री श्री भूपेश बघेल

रायपुर, 08 सितमबर 2020। मुख्यमंत्री श्री भूपेश बघेल ह काली वीडियों कॉन्फ्रेसिंग के माध्यम ले गोधन न्याय योजना के तहत प्रदेश के 76 हजार 803 गोबर विक्रेता मन ल तीसर किस्त 6 करोड़ 27 लाख रूपिया के भुगतान करिस। ए पशुपालक मन अऊ गोबर विक्रेता मन ले 31 अगस्त तक 3 लाख 13 हजार 765 क्विंटल गोबर के खरीदी करे गए रहिस। जानबा हे के छत्तीसगढ़ के पारंपरिक हरेली तीहार ले चालू गोधन न्याय योजना के तहत अब तक 12 करोड़ 70 लाख रूपिया ले जादा के राशि गोबर विक्रेता मन ल हस्तांतरित करे गए हे। योजना के सबले जादा लाभ प्रदेश के गरीब अऊ जरूरतमंद तबके के मनखे मन ल मिलत हे। योजना के तहत पहिली किस्त म एक करोड़ 67 लाख रूपिया, दूसर किस्त म 4 करोड़ 74 लाख रूपिया अऊ तीसरी किस्त म 6 करोड़ 27 लाख रूपिया के भुगतान करे गीस। मुख्यमंत्री श्री भूपेश बघेल ह ये मौका म ’गोधन न्याय योजना एप’ के घलोक शुभारंभ करिन।

ये बेरा म महिला अऊ बाल विकास मंत्री श्रीमती अनिला भेंड़िया, संसदीय सविच श्रीमती रश्मि आशीष सिंह, राज्य महिला आयोग के अघ्यक्ष श्रीमती किरणमयी नायक, अपर मुख्य सचिव श्री सुब्रत साहू, अपर मुख्य सचिव डॉ. आलोक शुक्ला, सचिव डॉ. एम.गीता, सचिव श्री आर. प्रसन्ना, श्री नीलेश क्षीरसागर संग आन वरिष्ठ प्रशासनिक अधिकारी उपस्थित रहिन।