महासमुंद,14 सितंबर 2020। शहर म कॉलेज रोड आश्रम काम्प्लेक्स के तिर म एक मकान म जिस्मफरोशी के गोरखधंधा करइया 6 महिला समेत एक ग्राहक ल पकड़े गिस हे। सिटी कोतवाली पुलिस ह छापा मार के सात लोगन मन ल गिरफ्तार करिन हे।
सूत्र मन ले मिले जानकारी के अनुसार जिस्मफरोशी के काम होमगार्ड के एक महिला द्वारा कराय जावत रिहिस। महासमुन्द डीएसपी नारद सूर्यवंशी के कहना हे कि जिला म तुमगांव म ही पीटा एक्ट अधिसूचित हे। एकर सेती पकड़े गे लोगन मन के विरुद्ध 151के तहत प्रतिबंधात्मक कार्रवाई करे जावत हे। मोहल्लावासी मन ह संदिग्ध गतिविधी के पुलिस ल सूचना दीन। दबिश देके पुलिस ह रंगे हाथ पकड लिस। गौरतलब हे कि कोरोना वायरस संक्रमण के दौर म अवैधानिक गतिविधी अउ अपराध के ग्राफ तेजी ले बढ़े हे।
