बालोद,16 सितंबर 2020। बालोद जिला के डौंडी थाना इलाका म होइस दर्दनाक सड़क हादसा म 3 साल के मासूम लइका के मउत होगे। ये हादसा ओ बेरा म होइस जब लइका ह खेलत हुए सड़क म आ पहुचीस अउ ट्रक ह ओला अपन चपेट म ले लिस। घटना दुर्गा चौक के पास के हरे।
जानकारी के मुताबिक कच्चे सल्हे गांव निवासी 3 वर्षीय मासूम अपन माता-पिता अउ दादी के साथ डौंडी सामान खरीदे बर आय रिहिन। इही दौरान खेलत-खेलत लइका ह बीच सड़क म पहुच गे तभे तेज रफ्तार म आवत ट्रक के चपेट म आगे। हादसा म लइका बुरा तरह ले घायल होगे अउ घटना स्थल म ही परिजन मन के आगु म ही दम तोड़ दिस। हालांकि हादसा के बाद डौंडी पुलिस मउका म पहुच के ट्रक ल जब्त करके ड्राइवर ल गिरफ्तार कर लिस हे।
