कांकेर, 16, सितम्बर 2020। डेडिकेटेड कोविड हास्पिटल अलबेलापारा कांकेर म डॉक्टर मन के टीम ह पहली पइत कोरोना प्रभावित महिला के सुरक्षित प्रसव कराए गीस, जच्चा-बच्चा दुनों स्वस्थ हे। कोरोना प्रभावित महिला के सफलतापूर्वक प्रसव कराए म जिला के कलेक्टर श्री के.एल. चौहान ह डॉक्टर मन के टीम ल बधाई दीन अऊ ओ मन ल सुग्घर काम करे बर प्रोत्साहित करिन।
मुख्य चिकित्सा अऊ स्वास्थ्य अधिकारी डॉ. जे.एल. उईके ह बताइस के कांकेर तहसील के ग्राम धनेलीकन्हार निवासी ढाकेश्वर सेन के पत्नी श्रीमती रागनी सेन उमर 26 साल ल 09 सितम्बर के लेहे गए रैपिड एंटीजन टेस्ट म पॉजिटिव आने के बाद होम आईसोलेसन म रखे गए रहिस, ओ ल 13 सितम्बर के प्रसव पीड़ा शुरू होए म डेडिकेटेड कोविड हास्पिटल अलबेलापारा कांकेर म रतिहा 9.45 बजे भर्ती कराए गीस अऊ आज बुधवार 16 सितम्बर के बिहनिया 9.50 बजे ओखर सफलतापूर्वक प्रसव कराए गीस। श्रीमती रागनी सेन के ये पहिली प्रसव हे। उमन स्वस्थ बालक ल जन्म देहे हें, जच्चा-बच्चा दुनों स्वस्थ हें।
