बिलासपुर, 18 सितंबर 2020। राज्य शासन के निर्देश के मुताबिक प्रदेश के सबो जिला मन म राजस्व अऊ कृषि विभाग के अधिकारी कर्मचारी गिरदावरी बर किसान मन के खेत मन म पहुंचके फसल मन के जानकारी लेके जमीन के खसरा अऊ अभिलेख मन म प्रविष्टि करत हें। राजस्व विभाग के हल्का म तैनात पटवारी फसल के रकबा के पंजीयन घलोक करत हें। पटवारी मन ल अपन हल्का के अंतर्गत सबो किसान मन के खेत मन म पहुंचके गिरदावरी करके ऑनलाईन एंट्री करे के निर्देश देहे गए हे। गिरदावरी के काम के मौका म निरीक्षण विभाग के उच्च अधिकारी मन करत हें बिलासपुर के कलेक्टर डॉ. सारांश मित्तर ह तखतपुर विकासखण्ड म राजस्व विभाग के अमला के गिरदावरी काम के निरीक्षण करिन। ओ मन खेत मन म उतरिन अऊ स्थल म गिरदावरी के काम ल बारीकी ले देखिन अऊ निर्देशित करिन के शत् प्रतिशत शुद्धता के संग गिरदावरी के काम करे जाए।
राज्य शासन के सर्वोच्च प्राथमिकता म सामिल गिरदावरी के काम जिला म संचालित होवत हे। ये क्रम म बिलासपुर कलेक्टर ह ग्राम-सकरी पटवारी हल्का नंबर 45 के अंतर्गत चलत गिरदावरी काम ल खुद खेत म उतरके देखिन के गिरदावरी काम सुचारू रूप ले करे जात हे या नहीं। कलेक्टर ह गिरदावरी के काम ल बारीकी ले करे के निर्देश देवत निरधारित समय म एखर ऑनलाईन एंट्री करे ल कहिन ताकि बाद म किसान मन ल कोनो प्रकार के परेशानी झन होवय। निरीक्षण के समय अकतहा कलेक्टर श्री बी.एस.उइके, डिप्टी कलेक्टर श्री मनोज केसरिया, कोटा के अनुविभागीय अधिकारी (राजस्व) श्री आनंद रूप तिवारी संग क्षेत्र के राजस्व अमला मौजूद रहिन।
