राज्य म इंग्लिश मीडियम स्कूल मन के अभी के स्थिति के समीक्षा
रायपुर, 23 सितंबर 2020। मुख्यमंत्री श्री भूपेश बघेल ह राज्य शासन कोति ले प्रदेश म अंगरेजी माध्यम ले लइका मन ल स्कूल म पढ़ाए के उद्देश्य ले स्वीकृत करे गए स्कूल मन म अध्ययन-अध्यापन के बेहतर व्यवस्था सुनिश्चित करे के निर्देश दीन। मुख्यमंत्री ह कहिन के ए स्कूल मन के अधोसंरचना ल बेहतर बनाए के संगेच इहां लइका मन ल हाई क्वालिटी के शिक्षा मिलय ए बात म विशेष रूप ले ध्यान दे जाय। इंग्लिश मीडियम स्कूल मन म जरूरी अधोसंरचना के निर्माण बर डीएमएफ मद के राशि के व्यवस्था सुनिश्चित करे के निर्देश घलोक देहे गे हे।
मुख्यमंत्री श्री भूपेश बघेल आज अपन निवास कार्यालय म शिक्षा विभाग कोति ले स्वीकृत अऊ संचालित स्कूल मन के व्यवस्था के वर्तमान स्थिति के समीक्षा करत रहिन। बैठक म स्कूल शिक्षा मंत्री डाॅ. प्रेमसाय सिंह टेकाम, मुख्यमंत्री के सलाहकार श्री राजेश तिवारी, मुख्यमंत्री के अपर मुख्य सचिव श्री सुब्रत साहू, प्रमुख सचिव स्कूल शिक्षा डाॅ. आलोक शुक्ला, मुख्यमंत्री के सचिव श्री सिद्धार्थ कोमल सिंह परदेशी, संचालक लोक शिक्षण श्री जितेंद्र शुक्ला, उप सचिव सुश्री सौम्या चैरसिया संग आन वरिष्ठ अधिकारी उपस्थित रहिन।
