बिलासपुर, 24 सितंबर 2020। आईपीएल क्रिकेट मैच म सट्टा खिलाने वाला उपर पुलिस ह बड़का कार्रवाई करे हे. दबिश देके 15 लाख के सट्टा पट्टी जब्त करे गिस. नकदी, दू मोबाइल अउ एक एलसीडी टीवी घलो जब्त करे गिस. एखर संग ही एक आरोपी के गिरफ्तारी करे गिस.
गौरतलब हे कि 23 सितंबर के रात म मुंबई इंडियंस अउ कोलकाता नाईट राइडर्स के बीच किकेट मैच खेले गिस. सूचना मिले म जूना बिलासपुर साव धर्मशाला के तिर म पुष्पराज देवांगन पिता शत्रुहन देवांगन (28) अशोक विहार फेश- 2 थाना सरकण्डा बिलासपुर के द्वारा आईपीएल क्रिकेट सट्टा म हारजीत के दांव लगवात रिहिस, जेखर तिर ले आईपीएल म प्रयुक्त 15 लाख के सट्टा पट्टी अउ नगद 6500रुपिया, दू नग मोबाईल अउ एलसीडी टीवी ल जब्त करके थाना लाये गिस, जिहां एखर उपर जुआ एक्ट के तहत कार्रवाई करे गिस.
