होटल मैनेजमेंट विषय के पढ़ई बर आवेदन एक अकटूबर तक

रायपुर, 25 सितंबर 2020। छत्तीसगढ़ राज्य के नवा रायपुर स्थित स्टेट इंस्टीट्यूट ऑफ होटल मैनेजमेंट, केटरिंग टेक्नोलॉजी एंड एप्लाइड न्यूट्रीशन (एसआईएचएम) म प्रवेश बर आवेदन आमंत्रित करे गए हे। एमा जउन छात्र फूड प्रोडक्शन अऊ डिप्लोमा कोर्स म एडमिशन लेना चाहत हें वो मन एक अकटूबर तक आवेदन कर सकत हें। छत्तीसगढ़ के नवा रायपुर स्थित स्टेट इंस्टीट्यूट ऑफ होटल मैनेजमेंट, केटरिंग टेक्नोलॉजी एंड एप्लाइड न्यूट्रीशन (एसआईएचएम) म प्रवेश चालू हे। डेढ़ साल के डिप्लोमा कोर्स बर शैक्षिक योग्यता 12वीं पास होना चाही। शैक्षणिक सत्र 2020-21 बर डिप्लोमा ए फूड प्रोडक्शन, डिप्लोमा ए फूड एंड बेवरेज सर्विस अऊ डिप्लोमा ए हाऊस कीपिंग ऑपरेशन पाठ्यक्रम म प्रवेश बर आवेदन आमंत्रित करे गए हे। तीनों डिप्लोमा कोर्स बर 40-40 सीट निरधारित हे। जऊन अभ्यर्थी प्रवेश लेना चाहत हें, ओ मन तेलीबांधा रायपुर स्थित होटल जोहार छत्तीसगढ़ ले आवेदन ले सकत हें। आवेदन, ऑनलाइन अऊ पोस्ट के माध्‍यम ले घलोक कर सकत हें। अभ्यर्थी मन एडमिशन बर रजिस्टर्ड डाक अऊ ई-मेल (ihmraipur@cg.gov.in) म घलोक आवेदन कर सकत हें। डिप्लोमा कोर्स बर शैक्षणिक योग्यता, आयु, आवेदन पत्र अऊ आन जानकारी www.ihmraipur.com अऊ www.chhattisgarhtourism.in ले जाने जा सकत हे। अइसनहे दूरभाष नम्बर 07714014166, 8871792093, 9300912780 अऊ 8770197441 म सम्पर्क करे जा सकत हे।