रायपुर, 8 अक्टूबर 2020। आज मुख्यमंत्री निवास म मंझनिया 12 बजे भूपेश कैबिनेट के अहम बैठक होही। बैठक म कई महत्वपूर्ण मुद्दा मन ऊपर विस्तार ले चर्चा होही। बताये जावत हे कि बैठक म छत्तीसगढ़ म नवा कृषि क़ानून बनाए जाये ल लेके चर्चा होही।
संग ही राज्य म धान ख़रीदी के तारीख़ अउ लक्ष्य ल लेके रणनीति तैयार होही। कोरोना के सेती कई राज्य मन म बार दाना के निर्माण नई हो पाये हे, एखर सेती धान ख़रीदी बर समुचित बारदाना के व्यवस्था ऊपर चर्चा होही। कोरोना रोकथाम के संगे-संग शिक्षा सहित आने विभाग मन के कई मुद्दा मन ऊपर चर्चा होही।
