श्रमिक मन के भरे बस अनियंत्रित होके नदियां म गिरीस, 11 श्रमिक गंभीर रूप ले घायल

अम्बिकापुर 12 अक्टूबर 2020। श्रमिक मन ले भरे बस ह अनियंत्रित होके 20 फीट नीचे नदियां म जा गिरीस, जेखर ले 11 लोगन घायल हो गेहे। घटना बिहनिया 4 बजे के बताय जावत हे। मामला लखनपुर थाना क्षेत्र अंतर्गत अम्बिकापुर बिलासपुर मुख्य मार्ग के कुंवरपुर मोड़ के पास पंजाब ले बलोदा बाजार जावत रिहिस प्रवासी श्रमिक मन ले भरे बस अनियंत्रित होके 20 फीट नीचे चुल्हट नदियां म जा गिरीस। बस म 32 सवारी रिहिस जेमा ले 11 श्रमिक गंभीर रूप ले घायल होगे। बस चालक ह बतइस कि पंजाब के जीरकपुर ले लगभग 32 प्रवासी श्रमिक मन ल बलोदा बाजार लेके जावत रहिस। ये दौरान कुंवरपुर मोड़ के पास अचानक बस ले पार्ट्स के टूटे के आवाज आइस, जेखर ले बस के स्टेरिंग जाम होगे फेर बस अनियंत्रित होके लगभग 20 फीट नीचे नदियां म जा गिरीस। मिले जानकारी के मुताबिक बस म सवार 32 लोगन मन म 11 श्रमिक ल चोट आय हे। जेमा शांति खूंटे (28), रामनाथ अजय (56), प्रभा बघेल (20), रथ साय (50), नारी शंकर (25), संतोषी कुर्रे, ननकीराम (48), प्रदीप (40), सुखमेट (40), दीपक (21) और  पूरनमति (40) को गंभीर चोट आय हे। उहें एंबुलेंस ले लखनपुर सामुदायिक स्वास्थ्य केंद्र उपचार बर लाय गे रिहिस, जिहा डाक्टर मन ह सबो के गंभीर स्थिति ल देखत हुए उपचार बर जिला अस्पताल रिफर करे गेहे।