रायपुर, 13 अक्टूबर 2020। मुख्यमंत्री श्री भूपेश बघेल आज महिला मन ल सशक्त बनाए बर रायपुर जिला के अंतर्गत आदर्श ग्राम टेमरी म करीबन 70 लाख रूपिया के राशि ले नवनिर्मित बिहान कैफैटोरिया अऊ बिहान बाजार परिसर अऊ ग्राम सेरीखेड़ी म कल्पतरू मल्टीयूटिलिटी सेंटर के ई-लोकार्पण करिन। उमन इहां अपन निवास कार्यालय म वीडियो कॉन्फ्रेंसिंग के माध्यम ले इंकर शुभारंभ करत कहिन के ये केन्द्र महिला मन ल आत्मनिर्भर बनाए संग आत्मसम्मान के संग जीवन-यापन के अवसर उपलब्ध कराए म महत्वपूर्ण साबित होही। कार्यक्रम के अध्यक्षता पंचायत अऊ ग्रामीण विकास मंत्री श्री टी.एस.सिंहदेव ह करिन।
मुख्यमंत्री श्री बघेल ह ग्राम टेमरी म बिहान केफेटेरिया अऊ बिहान बाजार अऊ सेरीखेड़ी म कल्पतरू मल्टीयूटिलिटी सेंटर के करिन ई-लोकार्पण
