रायपुर, 20 अक्टूबर 2020। छत्तीसगढ़ के DGP डीएम अवस्थी ह सबो रेंज के आईजी अऊ पुलिस अधीक्षक मन ल निर्देश देवत हुए कहिन हे कि विभागीय जांच अऊ आपराधिक प्रकरण के सामना करत अधिकारी, निरीक्षक अऊ उप निरीक्षक मन ल तत्काल थाना ले हटाए जाए। पुलिस व्यवस्था ल चुस्त बनाए रखे बर डीजीपी अवस्थी बेरा – बेरा म अइसे निर्देश जारी करथे।
बता देथन कि डीजीपी डीएम अवस्थी ह एखर पहली घलो वीडियो कांफ्रेंसिंग म सबो एसपी ले बेहद तल्ख लहजा म कहे रिहिस कि महिला मन ले जुड़े अपराध के जांच म जरा सा भी लापरवाही नई होना चाही। कोनो भी स्तर म कोई अधिकारी लापरवाही करत हे, त ओला तत्काल सस्पेंड करें, फेर जांच करें।
एखर पहली डीजीपी ह ड्रग्स, गांजा अऊ अवैध शराब के मामला म घलो सख्ती ले कार्रवाई करे के निर्देश दे रिहिस। ओमन सबो जिला मन म अइसे व्यवस्था बनाए ऊपर जोर दीस, जेखर ले अपराध दर्ज होए से लेके आरोपी के गिरफ्तारी, समय म चालान पेश करे से लेके आरोपी ल सजा दिलाए तक वरिष्ठ अधिकारी सुपरविजन करें।
