कोरिया, 24 अक्टूबर 2020। प्रदेश सरकार के महत्वाकांक्षी योजना गोधन न्याय योजना के सकारात्मक परिणाम आगू आए लगे हे। पशुपालन करइया गांव के किसान मन ये योजना ले मिलइया रकम ले अपन घर-गृहस्थी के जरूरत के सामान बिसाए लगे हें। ये योजना के तहत हर पंद्रही म मिलइया पईसा ले अब ऊंखर जरूरत पूरा होए लगे हे।
कोरिया जिला के जनपद पंचायत सोनहत के ग्राम पंचायत केशगवां के रइया इन्द्रकुंवर ह गोधन न्याय योजना के तहत 1086 किलो ग्राम गोबर बेंचे रहिस जेखर एवज म ओ ल 2172 रूपिया मिलीस। इन्द्रकुंवर ह ये पईया ले वेट मशीन खरीदे हे। ग्राम पंचायत सुन्दरपुर के पशुपालक किसान श्री महेश्वर ह गौठान म 1197 किलो ग्राम गोबर बेंच के 2394 रूपिया पाईस त वो ह अपन घर बर जरूरी सामान बिसाईस। अपन खुशी के इजहार करत दुनों ह बताइन के गोधन न्याय योजना ऊंखर बर अकतहा आय के साधन बने हे। जेखर से ओ मन अइसे जिनिस मन मन ल बिसाए म सक्षम होए हें, जेकर जरूरत होए के बाद घलव वो मन पईसा के तंगी म वोला बिसा नइ पात रहिन। उमन मुख्यमंत्री श्री भूपेश बघेल के प्रति आभार व्यक्त करत कहिन के उंखर जइसे लाखों गांव वाले मन अऊ किसान मन ल गोधन न्याय योजना के ह आय के अकतहा जरिया देहे हे। जानबा हे के हरेली पर्व के अवसर म प्रदेश सरकार ह गोधन न्याय योजना शुरू करे रहिस। योजना के उद्देश्य ग्रामीण क्षेत्र मन म पशु मन के संरक्षण अऊ संवर्धन के संग गांव वाले मन ल अकतहा आय सुलभ कराना अऊ जैविक खेती ल बढ़ावा देना हे।
