राजनांदगांव, 30 अक्टूबर 2020। जिला के पांच पर्वतारोही मन ह हिमांचल प्रदेश के सोलांग वेली स्थित माउंट फ्रेडशीप पहाड़ के साढे़ सत्रा हजार फीट के उंचई म चढ़के तिरंगा झंड़ा फहराए हें। पर्वतारोही मन के राजनांदगांव आए म रेलवे स्टेशन म उंकर भव्य स्वागत करे गीस।
जानबा हे के राजनांदगांव जिला के पाँच पर्वतारोही मन हिमाचल प्रदेश के सोलांग वैली म स्थित माउंट फ्रेंडशिप पर्वत के साढे सत्रा हजार उंच चढ़ाई चढ़ के झंडा गडि़या के कोरोना वारियर्स मन ल सलाम करे हें। ए पर्वतारोही मन म ठेकवा गांव के निवासी ममता निषाद बिक्कट उत्साहित होवत बताईस के वोकर बर ये ह बड़ बढि़सा अनुभव रहिस। पर्वतारोहण के बेरा म उंहा के तापमान माइनस 10 डिग्री सेल्सियस सरहिस तेकर सेती चढ़ई म कठनाई जरुर होइस फेर हिम्मत के बल म उमन ए पहाड़ म चढ़ गीन। पर्वतारोही रोहित झा के बताती ये मिशन के एक मात्र उद्देश्य कोरोना वारियर ल सम्मान देना रहिस। वो ह आगू बताईस के ये मिशन म सात अलग अलग राज्य के युवा संघरे रहिन जेमा छत्तीसगढ के 13 पर्वतारोही मन म राजनांदगांव जिला के पांच युवा मन भाग लीन अऊ 21 अकटूबर के दिन के 11 बजके 08 मिनट म उमन माउन्ट फ्रेडशीप पर्वत म तिरंगा लहराइन।
