रायपुर, 5 नवंबर 2020। 10 नवंबर ले धान खरीदी के मांग अउ केंद्रीय कृषि कानून के खिलाफ आज किसान संगठन प्रदेशभर म प्रदर्शन करही। 30 ले जादा किसान संगठन सड़क म उतर के चक्काजाम करे के रणनीति बनाए हे।
गौरतलब हे कि प्रदेश के सबो किसान संगठन केंद्रीय कृषि कानून के विरोध म एकजुट होए हे। लगातार अपन मांग मन ल लेके आवाज बुलंद करत हे। इही क्रम म अब आज एक घाव फेर ले किसान संगठन विरोध प्रदर्शन करही। ए बार प्रदेश के किसान संगठन केंद्रीय कृषि बिल के संगे-संग धान खरीदी के तारीख म बदलाव ल लेके प्रदर्शन करही।
किसान मन के मांग हे कि सरकार 10 नवंबर ले ही धान के खरीदी करें। बीजेपी ह घलो जल्द ले जल्द धान खरीदी के मांग करिन हे। मालूम होही कि प्रदेश सरकार ह 1 दिसंबर हे धान खरीदी के ऐलान करे हे। एला लेके सरकार के डाहर ले तैयारी शुरू होगे हे।
