दुर्ग, 8 नवंबर 2020। पुलिस के साइबर संगी कार्यक्रम के अंतर्गत शनिवार के मुख्यमंत्री भूपेश बघेल ह दुर्ग पुलिस के यूट्यूब चैनल ल लॉन्च करिन। एमा अंचल म होने वाला साइबर अपराध मन ल जागरूकता संबंधी वीडियो, कोरोना वायरस के संबंध म जागरूकता भरे वीडियो अऊ आने वीडियो के माध्यम ले प्रचार प्रसार करे जाही। दुर्ग पुलिस सोशल मीडिया म फेसबुक, ट्विटर अऊ इंस्टाग्राम के माध्यम ले नागरिक मन ले जुड़े हे अऊ यूट्यूब के लॉन्च होय के बाद जम्मो नागरिक मन ल अऊ भी जागरूकता भरे वीडियो सरल रूप म प्राप्त हो पाही।
दुर्ग पुलिस के द्वारा इकोनामिक अनलॉक म शॉर्ट मूवी घलो बनाए गिस, जेखर शुभारंभ मुख्यमंत्री के हाथ ले दुर्ग पुलिस के यूट्यूब म वीडियो ल अपलोड करके करे गिस। कार्यक्रम म पुलिस महानिरीक्षक दुर्ग रेंज विवेकानंद, पुलिस अधीक्षक दुर्ग प्रशांत ठाकुर, अतिरिक्त पुलिस अधीक्षक शहर रोहित झा, अतिरिक्त पुलिस अधीक्षक ग्रामीण प्रज्ञा मेश्राम सहित दुर्ग जिला के वरिष्ठ अधिकारी मौजूद रिहिन। इकोनामिक अनलॉक वीडियो म महत्वपूर्ण किरदार निभाने वाला अजय रात्रे अऊ टीम घलो मौजूद रिहिन।
