रायपुर, 13 नवम्बर 2020। केंद्रीय जीएसटी म केंद्रीय उत्पाद शुल्क के अधिकारी मन ह लोहा अउ इस्पात उत्पाद के एक व्यापारी ल गिरफ्तार करे हे। व्यापारी ल फर्जी चालान के आधार म करोड़ों रुपिया के इनपुट टैक्स क्रेडिट के गलत लाभ उठाय के मामला म गिरफ्तार करे गेहे। केंद्रीय जीएसटी अउ केंद्रीय उत्पाद शुल्क के अधिकारी मन ह मिथिलेश तिवारी ल गिरफ्तार करे हे। टीम द्वारा करे गे जांच म पाय गीस हे की मेसर्स एचके इंटरप्राइजेस ह मेसर्स ओम इस्पात अउ मेसर्स नारायण स्टील द्वारा जारी करे गे फर्जी चालान म गलत तरीका ले इनपुट टैक्स क्रेडिट के लाभ उठाय हे, जेमा 21.31 ₹करोड़ के इनपुट टैक्स क्रेडिट ल अग्रेषित दिखाय हे। मेसर्स ओम इस्पात अउ मेसर्स नारायण स्टील अइसे फर्म हे जे अस्तित्व म नई हे, जेहा केवल फर्जी बिल जारी करके गलत इनपुट टैक्स क्रेडिट ल पारित करे बर बनाए गे रिहिस। मिथिलेश तिवारी उपर कार्यवाही करत हुए ओला गिरफ्तार कर लेहे गेहे।
