रायपुर, 17 नवम्बर 2020। एक ही परिवार के पांच लोगन के मउत के मामला ल गृह मंत्री ताम्रध्वज साहू ह गंभीरता ले लेत हुए जांच के निर्देश देहे हे। ताम्रध्वज साहू ह रायपुर जिला के वरिष्ठ पुलिस अधीक्षक अजय यादव ले दूरभाष म चर्चा करिन अऊ कहिन कि एक ही परिवार के पांच लोगन के मउत होना बड़का बात हे। मउत के कारण के पता लगाय अऊ एखर गहराई ले जांच करे के निर्देश देहे हे। मउका म पहुंचे पुलिस ह अधिकारी मन ल शव ल लाय अऊ पोस्टमार्टम म घलो ध्यान देहे के निर्देश दीन हे। राजधानी रायपुर ले लगे अभनपुर थाना क्षेत्र के केन्द्री गांव म एक ही परिवार के पांच लोगन के शव मिले हे। जेमा दु लइका, दु महिला अऊ एक मनखे शामिल हे। घटना के सूचना मिलत ही पुलिस अधिकारी मन के टीम मउका म पहुंचे रिहिस। फिलहाल घटना के जांच करे जावत हे।
एक ही परिवार के पांच लोगन के मउत के मामला म गृह मंत्री ह दीन जांच के निर्देश
