छत्तीसगढ़ के मुख्यमंत्री श्री बघेल ह केंद्रीय पेट्रोलियम अऊ प्राकृतिक गैस मंत्री ले करिन मुलाकात माटी तेल के कोटा बढ़ाए अऊ एथेनॉल प्लांट बर अनुमति के करिन गिलौली

रायपुर, 17 नवंबर 2020। छत्तीसगढ़ के मुख्यमंत्री श्री भूपेश बघेल ह नई दिल्ली दउरा के बेरा म आज केंद्रीय पेट्रोलियम, प्राकृतिक गैस अऊ इस्पात मंत्री श्री धर्मेंद्र प्रधान ले मुलाकात करिन।
ए बेरा म मुख्यमंत्री ह एफसीआई के अकतहा राज्य के किसान मन ले खरीदे गए अधिशेष धान ले बायो एथेनॉल उत्पादन बर अनुमति प्रदान करे के आग्रह करिन। संगेच मुख्यमंत्री ह वनांचल क्षेत्र मन म मिट्टी के तेल के कोटा बढ़ाए के मांग घलोक करिन।
मुलाकात के बेरा म मुख्यमंत्री श्री बघेल ह कहिन के छत्तीसगढ़ राज्य म खरीफ विपरण साल 2018-19 म 80.38 लाख मेट्रिक टन अऊ 2019-20 म 83.94 लाख मेट्रिक टन धान के खरीदी करे गीस जेखर से उत्पन्न होवईया परिणामी चावल के केंद्रीय पूल अऊ राज्य पूल म राज्य के सार्वजनिक वितरण प्रणाली म जरूरी मात्रा के बाद घलोक धान अधिशेष रहे हे। अधिशेष धान के मिलिंग कराके राज्य ल अकतहा चावल के मात्रा लेहे बर बाध्य होना परे हे। खाद्यान्न ले एथेनॉल बनइया प्लांट मन के स्थापना के संबंध म राज्य के औद्योगिक नीति 2019-24 म ए संबंध म जरूरी प्रावधान करे गए हे। छत्तीसगढ़ राज्य के करीबन 6  लाख मेट्रिक टन धान ले एथेनॉल उत्पादन करे के अनुमति प्रदान करे के अनुरोध करे हे।
एखर संगेच मुख्यमंत्री श्री बघेल ह केंद्रीय मंत्री ल सुरता करात कहिन के वनांचल क्षेत्र मन म वनवासी मन ल मिट्टी के तेल के बहुत जरूरत होथे जेखर सेती मिट्टी तेल के कोटा ल घलोक बढ़ाए जाय।
केंद्रीय मंत्री श्री प्रधान ह मुख्यमंत्री श्री बघेल के आग्रह ल गंभीरता ले लेवत तुरंत कार्रवाई बर अधिकारी मन ल हुकुम देहे हें।