धान के कटाई के संग शुरू होइस पैरादान, गांव वाले मन अपन गौठान बर देवत हें योगदान

कवर्धा, 27 नवम्बर 2020। सुराजी गांव योजना अंतर्गत शासन के महत्वकांक्षी योजना नरवा, गरुवा, घुरुवा अऊ बाड़ी ले ग्रामीण मन के जुड़ाव देखे ल मिलत हे। ग्रामीण क्षेत्र मन म बनाय गए गौठान मन म पशुधन बर चारा उपलब्‍ध कराए बहुत अकन ग्रामीण मन खुदे आगू आके भरपूर पैरादान करत हें। पैरादान के ये सिलसिला धान कटाई के बाद ले ही जिला म सरलग चलत हे।
कवर्धा विकासखण्ड क्षेत्र के ग्राम पंचायत अमलीडीह, खपरी, बोड़ला के ग्राम राजानवागांव, बद्दो अऊ नवागांव जइसे बहुत अकन गांव के ग्रामीण खुदे आगू आके पैरादान करत हें। ये संबंध म मिले जानकारी के मुताबिक बोड़ला के नवागांव के ग्रामीण अशोक कुमार पिता तिलक राम साहू ह 20 क्विंटल, श्री अंजोर दास, सुखराम दास ह 10 क्विंटल, अंताराम साहू 10 ह क्विंटल, श्री गौतम, श्री गैतराम, श्री सम्बल सिंह, श्री लखनु, श्री लखन अऊ श्री तिजऊराम ह पांच-पांच क्विंटल दान करत होइन कुल 65 क्विंटलपैरा गौठान ल देहे हें।
उप संचालक कृषि के बताती ग्राम बद्दो ले श्री संतोष ह दू ट्रेक्टर अऊ आन गांव वाले मन आधा-आधार ट्रेक्टर पैरादान करे हें। अइसनहे राजानवांगांव म गौवंश बर श्री जलेश्वर, रज्जू अऊ फागू राम ह घलोक पांच-पांच क्विंटल पैरादान करे हें। श्री सवंल राम साहू निवासी ग्राम रौचन ह अपन पंचायत सचिव ल खुद मिलके कहिन के मोर 6 एकड़ खेत के पैरा अपन गौवंश बर गौठान ल देना चाहत हंव करीबन 5 ले 6 ट्रैक्टर पैरा हे जऊन गौमाता बर चारा के व्यवस्था म मोरो योगदान होही।