भूपेश सरकार के दू साल पूरा होए म पेड़ लगा के मनाए जाही उछाह

17 दिसम्बर के उत्तर- दक्षिण छत्तीसगढ़ के चंदखुरी म होही मिलन
राम वन गमन परिपथ म पर्यटन रथ अऊ बाइक रैली के आयोजन 14 ले 17 दिसम्बर तक

रायपुर, 05 दिसम्बर 2020। मुख्यमंत्री श्री भूपेश बघेल के सियानी म राज्य म नवा सरकार के 2 साल पूरा होए के अवसर म राज्य के ऐतिहासिक अऊ सांस्कृतिक धरोहर राम वन गमन परिपथ म 14 दिसम्बर ले 17 दिसम्बर तक पर्यटन रथ अऊ बाइक रैली के आयोजन करे जात हे। ये रथ अऊ रैली राज्य के उत्तर स्थित -सीतामढ़ी हरचौका जिला कोरिया अऊ दक्षिण म स्थित-रामराम जिला सुकमा दुनों छोर ले 14 दिसंबर के चालू होही जऊन कई जगा ले होत 17 दिसंबर के चंदखुरी म सामाप्त होही। ये रैली चिन्हारी करे गए पर्यटन स्थल मन ले सकेले गए माटी अऊ चिन्हारी ल संग लेके चंदखुरी म 17 दिसम्बर के मंझनिया 1.30 बजे पहुचही जिहां भव्य कार्यक्रम के आयोजन के संग ए माटी ले चंदखुरी म वृक्षारोपण करे जाही अऊ यात्रा के चिनहा मन ल मुख्य अतिथि ल सौंपे जाही।
राज्य म 14 दिसम्बर के सीतामढ़ी हरचौका जिला कोरिया अऊ रामाराम जिला सुकमा के दुनों छोर ले शुरू होए पर्यटन रथ अऊ बाईक रैली म रामायण पुस्तक, चिनहा लेके पर्यटन रथ 30 बाईक के संग होर्डिंग्स अऊ वाहन साउण्ड सिसटम संग रैली निकाले जाही। जेमां भगवान श्रीराम के अध्यात्मिक भजन अऊ चौपाई चलाए जाही। जिला प्रशासन कोति ले स्थानीय विधायक अऊ स्थानीय जनप्रतिनिधि मन के द्वारा सीतामढ़ी हरचौका अऊ रामाराम ले झण्डा देखा के रथयात्रा के रवानगी करे जाही। चिनहा (मशाल, रामायण पुस्तक, ध्वज) ल संबंधित जिला बाइकिंग समूह मन ल पूर्ववर्ती जिला बाइकिंग समूह ल जिला प्रशासन के नेतृत्व म सौंपे जाही।
हर एक जिला के एक सीमा ले दूसर सीमा तक अलग-अलग बाइक समूह होही। गणमान्य नागरिक अऊ जनप्रतिनिधि मन वाहन मन ल झण्डा देखा के रवाना करहीं। रैली केवल दिन बूड़े तक आयोजित करे जाही। रैली ल ओ स्थान ले जारी रखे जाही जिहां रैली पाछू दिन खतम होए रहिस। रस्ता के अनुसरण प्रस्तावित राम वन गमन परिपथ सर्किट के नक्शा के अनुसार करे जाही। बाइक रैली जहां-जहां पहुंचही उहां म फूल के वर्षा करके स्वागत करे जाही अऊ राम पाठ के आयोजन घलोक करे जाही।