रायपुर, 9 दिसम्बर 2020। मुख्यमंत्री भूपेश बघेल ह प्रदेश म धान खरीदी बर लघु अऊ सीमांत किसान मन ल प्राथमिकता के आधार म टोकन जारी करे के निर्देश देहे हे। मुख्यमंत्री ह सबो जिला कलेक्टर मन ल ये सुनिश्चित करे बर कहिन हे कि सहकारी समिति मन ले धान खरीदी बर लघु अऊ सीमांत किसान मन ल प्राथमिकता ले टोकन जारी करे जाए। उमन कलेक्टर मन ले ये घलो सुनिश्चित करे बर कहिन हे कि जारी करे जाने वाला टोकन मन म 70 प्रतिशत टोकन लघु अऊ सीमांत किसान मन ल जारी हों अऊ सबो जिला मन म ये प्रयास घलो करे जाए कि लघु अऊ सीमांत किसान मन के धान विक्रय बर पंजीकृत रकबा के विरूद्ध धान के खरीदी एक घाव म ही पूर्ण कर लेहे जाए।
उल्लेखनीय हे कि मुख्यमंत्री भूपेश बघेल ह धान खरीदी किसान मन के सुविधा मन के पूरा ध्यान रखे के निर्देश अधिकारी मन ल देहे हे। किसान मन के पंजीकृत रकबा अऊ गिरदावरी के रकबा म त्रुटि होय म रकबा के परीक्षण करके तत्काल संशोधन करे के निर्देश घलो मुख्यमंत्री ह दीन हे। इही कड़ी म लघु अऊ सीमांत किसान मन के सुविधा के ध्यान रखत हुए मुख्यमंत्री ह सहकारी समिति मन ले जारी होने वाला 70 प्रतिशत टोकन लघु अऊ सीमांत किसान मन ल जारी करे अऊ सबो जिला मन म लघु अऊ सीमांत किसान मन के पंजीकृत रकबा के धान के खरीदी एक घाव म ही पूर्ण करे के प्रयास के निर्देश देहे हे।
