रायपुर, 25 दिसंबर 2020। मुख्यमंत्री भूपेश बघेल के नेतृत्व म आवासहीन मन ल आवास उपलब्ध कराए के दिशा म छत्तीसगढ़ शासन ल मिलिस उपलब्धि मन के भारत सरकार ह सराहना करिन हे। प्रधानमंत्री आवास योजना (शहरी) के अंतर्गत छत्तीसगढ़ के मोर जमीन मोर मकान योजना के समावेशी मॉडल के प्रशंसा करत हुए राज्य ल पुरस्कृत करे के घोषणा करे गए हे। संग ही सर्वश्रेष्ठ प्रदर्शन करइया नगरपालिका मन के श्रेणी म डोंगरगढ़ ल पुरस्कृत करे जाही। पुरस्कार एक जनवरी 2021 के देहे जाही।
भारत सरकार द्वारा गुरुवार के प्रधानमंत्री आवास योजना (शहरी) के बहुप्रतीक्षित सम्मान समारोह के घोषणा करे गिस। एक जनवरी, 2021 के प्रधानमंत्री नरेंद्र मोदी के उपस्थिति म वर्चुअल समारोह के आयोजन करे जाही, जेमां छत्तीसगढ़ राज्य ल स्पेशल कैटेगॉरी म पुरस्कृत करे जाही। समारोह म आवासन अऊ शहरी कार्य मंत्री, भारत सरकार हरदीप सिंह पुरी घलो उपस्थित रही। समारोह म मोर ज़मीन मोर मकान योजना के अंतर्गत सर्वश्रेष्ठ आवास बनवइया छत्तीसगढ़ के हितग्राही अंजू साहू (धमतरी), मुमताज़ बेगम (धमतरी) अऊ ममता वर्मा (कवर्धा) को ल घलो सम्मानित करे जाही।
मुख्यमंत्री भूपेश बघेल ह राज्य के जनता, नगरीय प्रशासन अऊ विकास विभाग अऊ सबो नगरीय निकाय मन ल बधाई देवत हुए सबो बेघर मनखे मन ल पक्का आवास उपलब्ध कराए जाये के अपन प्रतिबद्धता ल दोहराए हे। नगरीय प्रशसान अऊ विकास विभाग के मंत्री डॉ शिवकुमार डहरिया ह ये उपलब्धि ऊपर प्रसन्नता व्यक्त करत हुए विभाग, नगरीय निकाय अऊ सम्मानित करे जावत हितग्राही मन ल बधाई दीन हे। उमन आगु घलो इही प्रकार के प्रदर्शन जारी रखे के उम्मीद जताईन हे।
